Mexiko? ziur nago zuen buruari galdetuko diozuela nolatan Ane Mexikokin erlazionatu, baina… ortzegun honetan, urriak 25, zuen lagun hau Mexikoko Durango herrialderuntz abiatuko da bere dantza taldearekin batera!
Uste dut kriston aukera dela , eta egia errateko, nahiz eta oraindik ez dudan guztiz sinisten, nire bizitzako bidairik luzeena eta politenetakoa izango dela iruditzen zait. Gure dantzako maisuari, Aritz Salamankari, eskertu beharrean ikusten naiz. Izan ere, bere harreman batzuen bitartez lortu dugu bidai hau!
Ekitaldi ezberdin eta ahaztezinez betetako 10 egun pasatzeko prest nago eta laister bizitzeko aukera izango dut! egunero izango ditugu dantza ekitaldiak herrialde ezberdinetan, eta honetaz gain, beste kultura-lurraldeetako jendearekin partekatzeko zortea izango dugu!
Hau guztia eta gehiago da joan aurretik sentitu eta ikusten dudana, imajinatu itzultzen naizenean zer nolako historio pila izango ditudan zuei kontatzeko!! Horregatik, hitz ematen dizuet itzultzen naizenean, azaroak 5ean, dena sartuko dudala nire orrialde honetan. Hortaz, laister arte agurtzen naiz lagun!!
